БЕЛ Ł РУС

Грамадства

Дуда адмовіўся ўдзельнічаць у агульным фота лідараў на саміце ў Баку — праз Лукашэнку

12.11.2024 / 14:22

Nashaniva.com

Удзельнікі кліматычнага саміту ў Баку паўдзельнічалі ў здымках «сямейнага фота». Ад удзелу ў здымках адмовіўся прэзідэнт Польшчы — ён не захацеў фатаграфавацца з Лукашэнкам.

Фото: COP29 Azerbaijan / X

У кліматычным саміце ў Баку ўдзельнічаюць лідары многіх краін свету, прыехаў туды і Аляксандр Лукашэнка. Традыцыйна такія мерапрыемствы не абыходзяцца без агульнага, як яго называюць, сямейнага фота.

@nashaniva Лукашэнка адпомсціў Дуду за адмову фатаграфавацца #лукашенко #дуда #беларусь #польша #польшча #минск #варшава #саммит #климат #собрание #политика #новости #навіны ♬ Downtown Nonsense - Mark Fabian & Alexander Smith & George King & RK Masters

Сфатаграфаваліся сусветныя лідары разам і гэтым разам. Аднак на здымку адсутнічае прэзідэнт Польшчы Анджэй Дуда, які таксама ўдзельнічае ў саміце. Паводле інфармацыі Polsat news, Дуда адмовіўся фатаграфавацца разам з Лукашэнкам.

«Прэзідэнт байкатаваў сямейнае фота, паколькі там быў і Аляксандр Лукашэнка.

Летась была падобная сітуацыя. Гэта сімвалічнае аддзяленне, сярод іншага, ад удзелу Беларусі ў вайне супраць Украіны. Гэта было ўсвядомленае рашэнне прэзідэнта. Family photo — гэта сямейнае фота, прэзідэнт вырашыў, што не хоча мець сямейнае фота з Аляксандрам Лукашэнкам», — распавёў чалавек з дэлегацыі Дуды.

Чытайце таксама:

Каментары да артыкула