Hramadstva

Duda admoviŭsia ŭdzielničać u ahulnym fota lidaraŭ na samicie ŭ Baku — praz Łukašenku

Udzielniki klimatyčnaha samitu ŭ Baku paŭdzielničali ŭ zdymkach «siamiejnaha fota». Ad udziełu ŭ zdymkach admoviŭsia prezident Polščy — jon nie zachacieŭ fatahrafavacca z Łukašenkam.

Foto: COP29 Azerbaijan / X

U klimatyčnym samicie ŭ Baku ŭdzielničajuć lidary mnohich krain śvietu, pryjechaŭ tudy i Alaksandr Łukašenka. Tradycyjna takija mierapryjemstvy nie abychodziacca biez ahulnaha, jak jaho nazyvajuć, siamiejnaha fota.

@nashaniva Łukašenka adpomściŭ Dudu za admovu fatahrafavacca #łukašienko #duda #biełaruś #polša #polšča #minsk #varšava #sammit #klimat #sobranije #politika #novosti #naviny ♬ Downtown Nonsense - Mark Fabian & Alexander Smith & George King & RK Masters

Sfatahrafavalisia suśvietnyja lidary razam i hetym razam. Adnak na zdymku adsutničaje prezident Polščy Andžej Duda, jaki taksama ŭdzielničaje ŭ samicie. Pavodle infarmacyi Polsat news, Duda admoviŭsia fatahrafavacca razam z Łukašenkam.

«Prezident bajkatavaŭ siamiejnaje fota, pakolki tam byŭ i Alaksandr Łukašenka.

Letaś była padobnaja situacyja. Heta simvaličnaje adździaleńnie, siarod inšaha, ad udziełu Biełarusi ŭ vajnie suprać Ukrainy. Heta było ŭśviadomlenaje rašeńnie prezidenta. Family photo — heta siamiejnaje fota, prezident vyrašyŭ, što nie choča mieć siamiejnaje fota z Alaksandram Łukašenkam», — raspavioŭ čałaviek z delehacyi Dudy.

Kamientary da artykuła