U Mahilovie pačynajecca novy sud nad fihurantam spravy Cichanoŭskaha Alaksandram Aranovičam
Alaksandr znachodzicca ŭ źniavoleńni amal čatyry z pałovaj hady. Apošnija piać miesiacaŭ palitviaźnia ŭtrymlivajuć u režymie inkamunikada.
14.11.2024 / 10:56
U krasaviku 2021 hoda jaho asudzili da šaści hadoŭ kałonii pavodle dvuch kryminalnych artykułaŭ. Paźniej Alaksandru ŭzmacnili pakarańnie i pieraviali ŭ mahiloŭskuju turmu, piša «Viasna».
Užo siońnia, 14 listapada, u sudzie Leninskaha rajona Mahilova pačali razhladać novuju kryminalnuju spravu suprać palitviaźnia — za «złosnaje niepadparadkavańnie administracyi turmy» (č. 2 art. 411 Kryminalnaha kodeksa). Praces viadzie sudździa Viktoryja Palakova.
Alaksandru mohuć dadać jašče dva hady źniavoleńnia.