U 2020-m syn Hanny Kanapackaj zvaniŭ u milicyju z danosam na minčukoŭ, jakija raźviešvali stužki
Alaksiej Kanapacki ŭ 2020 hodzie byŭ adnym z tych, chto danosiŭ na biełarusaŭ. Jaho zvanok u milicyju nie patrapiŭ na ahulnuju čornuju kartu danosaŭ, ale źviestkami pra hety incydent z redakcyjaj «Našaj Nivy» padzialilisia ŭ «Biełpole».
14.11.2024 / 18:15
Alaksiej Kanapacki. Fota: UKantakcie
18 śniežnia 2020 hoda hramadzianin Biełarusi Alaksiej Dźmitryjevič Kanapacki (1998 hoda naradžeńnia) pazvaniŭ u milicyju, kab paviedamić, što ŭ rajonie vulicy Bychaŭskaj, 14 u Minsku «dvoje čałaviek viešajuć stužki na płot».
U Biełarusi jość tolki adzin čałaviek z takim imieniem. Jon — starejšy syn palityka Hanny Kanapackaj i biznesmiena Dźmitryja Kanapackaha. Para raźviałasia ŭ 2008 hodzie.
Alaksieju 26 hadoŭ. Jon paśpieŭ pavučycca ŭ Minsku ŭ škole №55 i ŭ himnazii №29, a taksama ŭ niamieckim Bonie. Kali jaho maci pryznačyli deputatkaj Pałaty pradstaŭnikoŭ, Alaksiej viarnuŭsia razam ź joj z Hiermanii ŭ Minsk, dzie skončyŭ ekanamičny fakultet BDU.
U 2017 hodzie zarehistravaŭsia jak indyvidualny pradprymalnik u śfiery zdačy nieruchomaści ŭ arendu.
Hanna z synam. Fota: anna.kanopatskaya / Instagram
«Ja nie danosiŭ, my ž siabrujem». Jak apraŭdvajucca vykrytyja stukačy