U 44 hady pamior načalnik milicyi Słaŭharada. U 2020-m jon skardziŭsia na nadpis «3%»
Andrej Łazakovič niekalki hadoŭ uznačalvaŭ taksama milicyju Kryčava.
16.11.2024 / 11:03
Fota: slavgorod.by
Na 45-m hodzie žyćcia pamior načalnik milicyi Słaŭharada i były načalnik milicyi Kryčava Andrej Łazakovič, paviedamiła viedamasnaje vydańnie «Na stražie».
Andrej Łazakovič byŭ pałkoŭnikam milicyi. Milicyju Kryčava jon uznačaliŭ u 2018-m. U 2022-m jaho ŭznaharodzili nahrudnym znakam «Za samaaddanuju słužbu» I stupieni. Uznaharodu ŭručaŭ ministr unutranych spraŭ Ivan Kubrakoŭ.
Kubrakoŭ uznaharodžvaje Łazakoviča (sprava). Fota: krichevlive.by
Z 2023-ha Łazakovič byŭ kiraŭnikom milicyi Słaŭharada.
Cikava, što, pa źviestkach Čornaj mapy Biełarusi, u vieraśni 2020 hodzie jon sam skardziŭsia ŭ milicyju pra źjaŭleńnie nadpisu «3%» kala pomnika Leninu ŭ Kryčavie.