Biełaruski chakieist atrymaŭ polskaje hramadzianstva i hatovy hulać za zbornuju Polščy
Polski pašpart atrymaŭ 25-hadovy forvard «Toruni» Mikałaj Syty, piša Biełaruski chakiej.
18.11.2024 / 11:18
Mikałaj Syty, torunskihokej.pl
«Kali łaska, kličcie mianie Mikołaj, z hetaha momantu my budziem vykarystoŭvać polskaje imia. Ja rady, što ŭ mianie ŭžo jość polskaje hramadzianstva, heta było krychu niervova, ale ŭsio skončyłasia dobra.
Pakul telefon zbornaj Polščy nie telefanuje, ale ja budu rady zhulać za zbornuju Polščy», — cytuje Sytaha pres-słužba kłuba.
Syty vystupaje za «Toruń» z 2021 hoda. U hetym siezonie jon nabraŭ 16 (7+9) bałaŭ u 16 matčach čempijanatu Polščy.
Paśla ŭvarvańnia Rasii va Ukrainu z dapamohaj biełaruskaj terytoryi biełaruski chakiej zabanieny na mižnarodnym uzroŭni. Kłuby nie hulajuć u jeŭrakubkach, a zbornyja nie biaruć udziełu ŭ čempijanatach śvietu.
Chakieista minskaha «Dynama» buduć sudzić za hrupavoje zhvałtavańnie
Alaksiej Protas praciahvaje źziać u NCHŁ. Zakinuŭ piatuju šajbu ŭ siezonie