Ambasada ZŠA ŭ Kijevie zakryłasia z-za mahčymaj siońnia bujnoj pavietranaj ataki
ZŠA papiaredzili svaich hramadzian va Ukrainie ab ryzycy bujnoha rasijskaha abstrełu 20 listapada.
20.11.2024 / 10:33
Fota: Liberov / Libkos / Getty Images
Złučanyja Štaty zaklikali svaich hramadzian na terytoryi Ukrainy prajavić maksimalnuju aściarožnaść u suviazi z ryzykaj vialikaj pavietranaj ataki z boku RF.
«Pa mierkavańniach biaśpieki ambasada budzie zakrytaja. Ambasada rekamienduje hramadzianam ZŠA być hatovymi nieadkładna schavacca ŭ vypadku abviaščeńnia pavietranaj tryvohi», — havorycca ŭ paviedamleńni na sajcie ambasady.
Papiaredžańnie datyčycca 20 listapada i ŭsioj terytoryi Ukrainy.
«Ambasada ZŠA ŭ Kijevie atrymała kankretnuju infarmacyju ab patencyjnaj mahčymaści surjoznaj pavietranaj ataki 20 listapada. Ź mierkavańniaŭ zaściarohi pasolstva budzie začyniena, supracoŭniki atrymali instrukcyi pa znachodžańni ŭ chovankach», — havorycca ŭ zajavie.
Amierykancam va Ukrainie paraili sačyć za abjavami i zahadzia vyśvietlić, dzie raźmieščany bližejšyja chovanki.
19 listapada źjaviłasia infarmacyja pra pieršuju ataku amierykanskimi rakietami ATACMS pa terytoryi Rasii paśla adpaviednaha dazvołu ZŠA.