Pjany mužčyna trapiŭ pad ciahnik u Dziaržynskim rajonie
Incydent, jaki adbyŭsia 19 listapada na čyhunačnaj stancyi «Enierhietyk», pryciahnuŭ uvahu nie tolki svajoj trahičnaściu, ale i niezvyčajnymi abstavinami.
20.11.2024 / 11:18
Mužčyna znachodziŭsia ŭ stanie ałkaholnaha apjanieńnia i pavodziŭ siabie nieadekvatna. Śviedki paviedamili, što paciarpieły spatyknuŭsia i ŭpaŭ prosta pad elektryčku Instytut kultury — Baranavičy-Paleskija, jaki ruchaŭsia.
Za niekalki chvilin da trahiedyi mužčyna vyjšaŭ ź ciahnika i nakiravaŭsia pa płatformie. Padčas adpraŭleńnia sastavu jon pa niejkaj pryčynie padyšoŭ vielmi blizka da ciahnika i, mahčyma, udaryŭ jaho pa nižniaj častcy.
Hety krok pryvioŭ da taho, što jon začapiŭsia i ŭpaŭ pamiž płatformaj i rejkami.
U vyniku mužčyna apynuŭsia ŭ vielmi niebiaśpiečnym stanoviščy: jaho hałava znachodziłasia na žalezabietonnaj špale, a cieła — na rejkach.
Na miesca zdareńnia apieratyŭna prybyli supracoŭniki milicyi, a taksama miedycynskaja bryhada. Paciarpiełaha špitalizavali ŭ Dziaržynskuju centralnuju rajonnuju balnicu, paviedamlajuć Naviny Dziaržynska.