Іспанія, Італія і Грэцыя следам за ЗША абвясцілі пра закрыццё пасольстваў у Кіеве ў сераду
Іспанская дыпмісія, як паведамляе агенцтва EFE, заявіла, што не будзе аказваць паслугі 20 лістапада з-за «павышанай рызыкі паветраных нападаў па ўсёй Украіне».
20.11.2024 / 14:23
Ілюстрацыйнае фота
У электронным лісце, разасланым іспанцам, якія пражываюць у краіне, пасольства рэкамендавала выконваць усе рэкамендацыі мясцовых уладаў і знаходзіцца побач са сховішчамі, піша Бі-бі-сі.
Італія таксама прыпыніць працу пасольства ў сераду, гаворыцца на сайце дыпламатычнага прадстаўніцтва.
«З меркаванняў бяспекі пасольства Грэцыі сёння будзе заставацца закрытым для наведвальнікаў», — адзначылі ў дыпустанове Грэцыі.
У апошнія тыдні расійскія войскі ўзмацнілі атакі на інфраструктуру ўкраінскіх гарадоў.