Аэрапорту ў Вільні часова прысвоілі імя Чурлёніса
Аэрапорт будзе насіць імя вялікага літоўскага мастака Мікалая Канстанціна Чурлёніса пяць гадоў
20.11.2024 / 15:44
Wikimedia Commons
20 лістапада ўрад Літвы прысвоіў Віленскаму аэрапорту сімвалічнае імя «Міжнародны Віленскі аэрапорт імя Чурлёніса» з 2025 года на 5 гадоў, піша Delfi.lt.
Часовае імя не з'яўляецца афіцыйным, таму не патрабуецца змяняць коды і назвы ў інфармацыйных сістэмах.
Назва «Міжнародны Віленскі аэрапорт імя Чурлёніса» будзе выкарыстоўвацца ў сімвалічным абазначэнні аэрапорта і яго тэрыторыі, у публічнай прасторы.
У наступным годзе будзе адзначацца 150-годдзе з дня нараджэння Мікалая Канстанціна Чурлёніса.