Mižnarodny kryminalny sud vydaŭ ordar na aryšt Bińjamina Nietańjachu
Mižnarodny kryminalny sud vydaŭ ordar na aryšt premjer-ministr Izraila Bińjamina Nietańjachu i ministra abarony Joava Hałanta.
21.11.2024 / 15:15
Bieńjamin Nietańjachu. Fota: Amir Cohen / AP
Mižnarodny kryminalny sud (MKS) vydaŭ ordar na aryšt izrailskaha premjera Bińjamina Nietańjachu i byłoha ministra abarony Joava Hałanta, paviedamlaje pres-słužba suda.
Ich padazrajuć «u złačynstvach suprać čałaviečnaści i vajennych złačynstvach, učynienych jak minimum z 8 kastryčnika 2023 hoda pa jak minimum 20 maja 2024 hoda — dzień, kali abvinavačvańnie padało chadajnictvy ab vydačy ordaraŭ na aryšt».
Izrail nie ratyfikavaŭ Rymski statut, asnovatvorny dakumient MKS. Adnak sud śćviardžaje, što vałodaje jurysdykcyjaj nad siektaram Haza, Uschodnim Jerusalimam i Zachodnim bieraham, paśla taho jak Paleścinskija lidary aficyjna pahadzilisia vykonvać jaho asnoŭnyja pryncypy ŭ 2015 hodzie.