Vyratavanyja biełaruskija alpinistki raskazali, jak vyžyli ŭ harach Turcyi
21.11.2024 / 17:12
Siostry-biełaruski, jakich dvoje sutak šukali ŭ harach Turcyi, zatrymalisia z-za śniehapadu i čakali dapamohi ŭ pałatcy, piša Reform.news na padstavie paviedamleńniaŭ tureckaj presy.
Fota: kayseriilkhaber.com
Valancina i Maryja Ivankovy pačali ŭzychodžańnie na haru Kyzyłkaja 16 listapada i pavinny byli viarnucca 18 listapada, ale nie vyjšli na suviaź. 19 listapada pačałasia pošukavaja apieracyja.
Dziaŭčat znajšli ŭviečary 20 listapada. Ich dastavili ŭ balnicu dla ahladu.
Va ŭpraŭleńni pa nadzvyčajnych situacyjach Turcyi (AFAD), raskazali, što pošuki vialisia na vyšyni 3400 mietraŭ. U hetym rajonie ŭ noč na niadzielu vypaŭ śnieh. Ratavalniki bajalisia, što dziaŭčaty pacierpiać ad pieraachaładžeńnia.
Paśla śniehapadu biełaruski zastavalisia ŭ pałatcy, bo nie viedali, u jakim kirunku iści. Siostry raskazali, što praviali ŭ harach čatyry nočy. Ź ježaj i pitvom u ich prablem nie było, paviedamlaje Anadolu.
U vyniku siostry prastudzilisia, ale inšych prablem sa zdaroŭjem u ich nie było. Siońnia ranicaj biełarusak vypisali, piša Kayseri Ilkhaber.