U Rasiju praź Biełaruś viarnulisia z Ukrainy amal paŭsotni žycharoŭ Kurščyny
Sorak šeść žycharoŭ Sudžanskaha rajona Kurskaj vobłaści, značnaja častka jakoha zastajecca pad kantrolem Ukrainy, viarnulisia ŭ Rasiju, paviedamiŭ hubiernatar vobłaści Alaksiej Śmirnoŭ.
22.11.2024 / 19:18
Skrynšot ź videa
Pavodle słoŭ kurskaha hubiernatara, žychary Sudžanskaha rajona, siarod jakich 12 dziaciej, pierasiekli miažu Ukrainy i Biełarusi i ciapier viartajucca dadomu.
Krychu raniej pra viartańnie 46 žycharoŭ Kurskaj vobłaści paviedamiła ŭpaŭnavažanaja pa pravach čałavieka Rasii Taćciana Maskalkova. Taksama jana paviedamlała, što siarod hetych ludziej adno niemaŭla, adno dzicia da troch hadoŭ i adzin čałaviek, jaki pierasoŭvajecca na invalidnym vazku.
Maskalkova śćviardžała, što ŭsie hetyja ludzi byli vyviezienyja na terytoryju Ukrainy «ŭkrainskimi ŭzbrojenymi farmavańniami z terytoryi Kurskaj vobłaści paśla ŭzbrojenaha napadu na rehijon u žniŭni hetaha hoda».