U Vilni prajšła akcyja salidarnaści z eks-kalinoŭcam Vieramiejčykam, jakoha departavali ŭ Biełaruś FOTA
23.11.2024 / 7:53
Akcyju ładziŭ fond Dapamoga. Pryjšło kala 30 čałaviek, u tym liku byłyja biełaruskija dobraachvotniki i ich rodnyja. Prysutničała niekalki litoŭskich telekanałaŭ. Prysutnyja padpisali zvarot da AAN, piša Radyjo Svaboda.
Byłoha kalinoŭca Vasila Vieramiejčyka 14 listapada ekstradziravali z Vjetnamu, dzie jon byŭ zatrymany, u Biełaruś. Raniej Litva pryznała jaho pahrozaj nacyjanalnaj biaśpiecy i zabaraniła jamu ŭjezd u Jeŭrasajuz. Vasil niejki čas žyŭ u Hruzii, rabiŭ sprobu z Turcyi pryjechać u Polšču, kab paprasić palityčny prytułak, a paśla asieŭ u Vjetnamie, dzie ŭ jaho byli siabry.