U Vietkaŭskim rajonie znajšli ŭ vadzie cieła rybaka
23.11.2024 / 16:12
Pra źniknieńnie čałavieka ŭ Vietkaŭski adździeł MNS paviedamili 17 listapada. Napiaredadni mužčyna adpraviŭsia na rybałku i nichto nie viedaŭ, dzie jon znachodzicca.
Fota ilustracyjnaje
Krychu paźniej łodku z usimi rybałoŭnymi pryładami znajšli niedaloka ad vioski Vialikija Niamki ŭ Vietkaŭskim rajonie. A voś cieła źnikłaha rybaka pryjšłosia šukać značna daŭžej.
U Vietkaŭskim rajadździele SK raskazali, što ŭ mužčyny było chvoraje serca. Pavodle adnoj ź viersij, rybaku stała drenna, i jon upaŭ u vadu. Ciapier śledčyja pravodziać pravierku, kab razabracca, što ž mienavita adbyłosia.