Rabina, jaki prapaŭ u AAE, znajšli miortvym
Ułady Izraila zajavili, što rabin Ćvi Kohan byŭ zabity. Jany nazvali heta «podłym antysiemickim aktam teroru» i paabiacali pryciahnuć vinavatych da adkaznaści.
24.11.2024 / 12:25
Ćvi Kohan
U Abjadnanych Arabskich Emiratach znojdzieny miortvym rabin Ćvi Kohan, jaki z 21 listapada ličyŭsia prapaŭšym bieź viestak.
Ułady Izraila zajavili, što Kohan byŭ zabity. Jany nazvali heta «podłym antysiemickim aktam teroru» i paabiacali vykarystoŭvać usie dastupnyja srodki, kab pryciahnuć vinavatych da adkaznaści.
Ułady AAE pakul nie kamientavali zajavu Izraila.
Hramadzianin Izraila i Małdovy Ćvi Kohan słužyŭ pamočnikam hałoŭnaha rabina AAE i pasłańnikam relihijnaha ruchu Chabad.
Nienazvanyja pradstaŭniki śpiecsłužbaŭ Izraila zajavili vydańniu Ynet, što kilery źbiehli ŭ Turcyju. Uładam Izraila, pavodle paviedamleńniaŭ, viadoma, što za rabinam sačyła iranskaja vyviedka.