Minčuki znajšli ŭ lesie 50 jeŭra i nažyli sabie prablem
25.11.2024 / 12:39
Jany adnieśli kupiuru ŭ bank, ale kasir niešta zapadozryła.
Fota: Dziaržkamitet sudovych ekśpiertyz
Dvoje mužčyn znajšli ŭ lasnoj travie kupiuru ŭ 50 jeŭra i vielmi abradavalisia hetamu. Jany vyrašyli abmianiać jaje na rubli i prynieśli kupiuru ŭ bank.
Adnak rabotnik banka zapadozryŭ, što banknota niesapraŭdnaja, i źviarnuŭsia ŭ milicyju. Ekśpiertyza paćvierdziła padazreńnie, paviedamiŭ Dziaržaŭny kamitet sudovych ekśpiertyz.
Jak pakazała ekśpiertyza, kupiura była nadrukavana na pryntary i jana nie źmiaščała niekatoryja elemienty, charakternyja dla sapraŭdnych hrošaj, u tym liku sieryjnyja numary, hod vypusku i inšyja markiroŭki.
Kupiuru ŭ mužčyn zabrali, a ŭ dačynieńni da ich raspačali kryminalnuju spravu.