«Mokry» fasad i pierapłaniroŭka: jak ciapier vyhladaje kinateatr «Maskva» ŭ centry Minska FOTY
Rekanstrukcyja kinateatra praciahvajecca.
25.11.2024 / 13:58
Tut i dalej foty Minskbud
U centry Minska praciahvajecca rekanstrukcyja kinateatra «Maskva». Budaŭniki prystupili da fasada.
Vonkavyja ścieny ŭciaplajucca, mantujecca karkas dla ablicoŭvańnia šyrokafarmatnymi plitami z kieramahranitu. Pracujuć čatyry aŭtapadjomniki, piša «Minskbud».
Piaredniaja častka fasada z praśpiekta Pieramožcaŭ i bakavyja buduć vientylavanymi, z advarotnaha boku prymieniać tak zvany «mokry» fasad — asablivy mietad uciapleńnia.
Unutry kinateatra ŭzmacnili ŭsie kanstrukcyi, praviali pierapłaniroŭku. Padychodzić da kanca ŭstanoŭka pryboraŭ aciapleńnia, pačałasia ŭstanoŭka dźviarej i mantaž karkasaŭ pad vitražy.
Va ŭsich čatyroch kinazałach viadziecca abšyvańnie ścien i stolaŭ akustyčnymi panelami, pravodziacca azdablenčyja pracy ŭ inšych pamiaškańniach. U rekanstrukcyi zadziejničany kala 200 čałaviek.
Adkryć kinateatr płanujuć u 2025 hodzie.