Ukrainskija raźviedčyki evakujavali z vostrava Źmiainy 15 kacianiat FOTY
26.11.2024 / 15:2
Ich pieradali ŭ prytułak «Siryus».
Nabližeńnie zimovych marazoŭ uskładniaje bieskłapotnaje žyćcio šmatlikich katoŭ i kacianiat, jakija žyvuć na vostravie Źmiainy ŭ Čornym mory. Tamu bajcy śpiecpadraździaleńnia «Cimur» Hałoŭnaha ŭpraŭleńnia raźviedki Minabarony Ukrainy, jakija ažyćciaŭlali patrulavańnie, vyrašyli zrabić važnuju spravu ― evakujavali 15 žyvioł z vyspy na «vialikuju ziamlu», paviedamlaje Hałoŭnaje ŭpraŭleńnie raźviedki.
Kocikaŭ kłapatliva pryvieźli ŭ adzin z najbujniejšych prytułkaŭ dla žyvioł va Ukrainie «Siryus»
Paśla adaptacyi vyratavanych sa Źmiainaha katoŭ kožny žadajučy budzie mieć mahčymaść prytulić adnaho ź ich i aformić apieku ŭ prytułku «Siryus», jaki niepasredna zajmajecca adaptacyjaj.
Ukrainskija voiny i ŭkrainskija dabračynnyja fondy nie ŭpieršyniu ratujuć žyvioł padčas vajny.
Padčas bajavoj apieracyi na Charkaŭščynie sioleta vajskoŭcy 92-j bryhady vyjavili ŭ razburanym domie začynienych u kletcy hałodnych savianiataŭ. Ptušak vyratavali i pieradali pad apieku načalniku HUR Kiryłu Budanavu. Kiraŭnik śpiecsłužby, jak viadoma, lubić žyvioł: u jaho žyvuć katy Hiunter i Źmiej, žabiania Piatro i kanarejki.