U śmierci dziaŭčyny, jakuju ŭ Rasii nibyta zahryźli śvińni, nasamreč padazrajecca čałaviek
Učora paviedamlałasia, što ŭ rasijskim Krasnajarskim krai 17-hadovaja dziaŭčyna zahinuła paśla taho, jak pajšła karmić svojskuju žyviołu. Jaje vyjavili z ranami i ŭkusami na ciele i hałavie ŭ zahonie sa śvińniami. Ale ciapier vyjaŭlajecca, što žyvioły ŭ śmierci vinavatyja tolki ŭskosna, a asnoŭnaja vina lažyć na złamysnym čałavieku.
26.11.2024 / 16:34
Padazravany ŭ zabojstvie. Skrynšot ź videa
Pa viersii śledstva, susied siamji, jaki pracavaŭ u padnačaleńni ŭ baćki zahinułaj, z-za niečaha zataiŭ na jaho kryŭdu. Kali darosłyja pajechali pa svaich spravach u Krasnajarsk, jon, vypiŭšy, vyrašyŭ adpomścić načalniku, pazabivaŭšy jahonuju svojskuju žyviołu.
Kali mužčyna zajšoŭ u chleŭ, to ŭbačyŭ tam dačku svajho kryŭdziciela — dziaŭčynka ŭ hety čas karmiła žyviołu. Tady padazravany ŭziaŭ pałku i nibyta dva razy ŭdaryŭ dziaŭčynku pa hałavie. Dziaŭčynka straciła prytomnaść, a susied paśla taho ŭciok.
Paśla žyvioły abhryźli trup školnicy, tamu karcina złačynstva pieršy čas zastavałasia ćmianaj, spačatku padazravanymi ŭ zabojstvie stali byk i ahresiŭnaja śvinamatka, pakul nie źjaviłasia inšaja viersija.
Padazravany ŭžo pryznaŭ svaju vinu.
17-hadovaja dziaŭčyna ŭ Rasii paniesła jeści śvińniam i zahinuła
Jak Rasija najmaje kryminalnikaŭ dla vykanańnia śpiecapieracyj na Zachadzie
21-hadovuju biełarusku zhvałcili ŭ adnym z restaranaŭ Sankt-Pieciarburha. Jana ŭ balnicy
U Sankt-Pieciarburhu vajenkam z žonkaj adpraŭlali na front «miortvyja dušy», a hrošy pakidali sabie