Navahodnija kirmašy ŭ Minsku adkryjucca praz dva tydni
27.11.2024 / 16:15
U Minsku z 14 śniežnia pačnuć pracu navahodnija i kaladnyja kirmašy. Načalnik hałoŭnaha ŭpraŭleńnia handlu i pasłuh Minharvykankama Alena Nahornaja adznačyła, što dla zručnaści žycharoŭ i haściej z 25 śniežnia svaje kirmašy padrychtujuć i administracyi rajonaŭ horada, piša BiełTA.
Hałoŭny kirmaš budzie pracavać pobač z Pałacam sportu z 14 śniežnia da 14 studzienia. Daty byli vybrany z ulikam taho, kab ludzi mahli atrymać asałodu ad atmaśfiery śviata na navahodnija i kaladnyja kanikuły, adznačyła Alena Nahornaja.
Na kirmašy pradstaviać navahodnija pačastunki, a taksama razhornuć fotazony. Usia infarmacyja pra miescy i daty praviadzieńnia budzie raźmieščana na sajtach Minharvykankama i rajonnych administracyj.