Na tarhi vystavili čyhunku pad Minskam
U śniežni z aŭkcyjonu pasprabujuć pradać čyhunačnuju vietku ŭ pramysłovym vuźle Minsk — Kaladzičy. Infarmacyja pra łot źjaviłasia na placoŭcy «IPM-Tarhi».
28.11.2024 / 12:53
Fota: IPM-tarhi
Učastak čyhunki naležyć handlovamu ŭnitarnamu pradpryjemstvu «Biełkaapźniešhandal Biełkaapsajuza». U listapadzie 2023 hoda jano syšło ŭ bankructva.
Čyhunačnaja vietka płoščaj amal 700 kv.m znachodzicca ŭ Minsku pa vuł. Babuškina, 62. Pačatkovy košt abjekta — bolš za 847 tys. rubloŭ. Dla ŭdziełu ŭ tarhach treba pakinuć zadatak 84, 7 tys. Krok aŭkcyjonu — 42,3 tys.
Akramia samoj čyhunki, u skład łota ŭvachodziać: chaładzilny ahrehat, aŭtamatyčnaja ŭstanoŭka vadzianoha pažaratušeńnia, achoŭnaja sihnalizacyja i niekalki sistem kandycyjanavańnia.
Tarhi projduć 17 śniežnia.