ES i Ukraina ŭzhadnili vypłatu 18,1 miljarda jeŭra za košt zamarožanych rasijskich aktyvaŭ
28.11.2024 / 19:4
Jeŭrapiejski Sajuz i Ukraina padpisali miemarandum ab uzajemarazumieńni pa akazańni makrafinansavaj dapamohi na 18,1 młrd jeŭra za košt zamarožanych rasijskich aktyvaŭ. Pra heta paviedamili premjer-ministr Ukrainy Dzianis Šmyhal i vice-prezident Jeŭrakamisii Vałdzis Dambroŭskis, paviedamlaje «Jeŭrapiejskaja praŭda».
Pavodle słoŭ Dzianisa Šmyhala, suma 18,1 młrd jeŭra, pra jakuju idzie havorka, źjaŭlajecca častkaj pakieta «Hrupy siami» na 50 młrd dalaraŭ, jaki zabiaśpiečvajecca prybytkami ad zamarožanych rasijskich aktyvaŭ.
«Taki krok — heta nie tolki padtrymka, ale i precedent pryciahnieńnia Rasii da adkaznaści za jaje złačynstvy i pačatak pracesu, kab ahresar zapłaciŭ za svaju žorstkuju vajnu», — dadaŭ ukrainski premjer-ministr.
Čytajcie taksama:
Bajden śpiša častku doŭhu Ukrainie
Źniasilenyja vajnoj. Zachad jašče dapamahaje Ukrainie trymacca, ale ŭžo nie dapamahaje pieramahać
Dastupnyja kredyty i sielhastechnika robiać ukrainskuju sielskuju haspadarku paśpiachovaj