У Мядзельскім раёне гусь правалілася пад лёд і не здолела вылезці — давялося выклікаць МНС
Гаспадыня гусі спужалася за гадаванку і выклікала ратавальнікаў.
28.11.2024 / 19:20
Скрыншот відэа МНС
У аграгарадку Княгінін Мядзелскага раёна свойская гусь вырашыла пагуляць па мясцовай сажалцы, якую зацягнула ледзяной скарынкай.
Аднак жа лёд аказаўся вельмі тонкім, таму гусь правалілася ў ваду. Лёд перашкаджаў птушцы выбрацца, і яна запанікавала. Спалохалася за гусь і гаспадыня, таму яна вырашыла выклікаць МНС.
Ратавальнікі выцягнулі гусь з дапамогай спецыяльнай дошкі і перадалі яе гаспадыні. Птушка не пацярпела.