U Kamianieckim rajonie ratavalniki znajšli mužčynu, jaki prapaŭ try dni tamu
Ranicaj 28 listapada ŭ dziažurnuju słužbu MNS paviedamili pra źniknieńnie pablizu chutara Hremiača 69-hadovaha mužčyny.
29.11.2024 / 15:00
Vyśvietliłasia, što mužčyna źnik jašče 26 listapada. Viaskoŭka nie znajšła brata doma i zabiła tryvohu.
Žančyna šukała samastojna, a kali praz dvoje sutak jon tak i nie źjaviŭsia, źviarnułasia da ratavalnikaŭ.
Pačałasia pošukavaja apieracyja, u jakoj zadziejničali siem adzinak techniki i 22 čałavieki, u tym liku piać adzinak techniki MNS i 16 ratavalnikaŭ.
Piensijaniera znajšli ŭ poli, źniasileny jon prosta lažaŭ na ziamli. Paciarpiełaha vyvieźli na darohu i pieradali miedykam chutkaj miedycynskaj dapamohi.
Mužčyna špitalizavany ŭ balnicu z ahulnym pieraachaładžeńniem arhanizma.