Rasijskaja avijacyja naniesła ŭdary pa Alepa — upieršyniu z 2016 hoda
Uzbrojeny kanflikt u Siryi ŭ apošnija dni znoŭ uzmacniajecca.
30.11.2024 / 11:03
Siryjskija paŭstancy ŭ Alepa. Fota: Ghaith Alsayed / AP
Rasiejskija vajskovyja samaloty ŭ noč na 30 listapada ŭpieršyniu z 2016 hoda nanieśli ŭdary pa častkach horada Alepa, zajavili ŭ siryjskim naziralnym centry pravoŭ čałavieka, piša Bild.
Siryjskaje kryło terarystyčnaj sietki «Al-Kaida» — hrupoŭka «Chajat Tachryr aš-Šam» — i sajuznyja joj farmavańni ŭziali pad kantrol «bolšuju častku horada, uradavyja centry i turmy».
Uzbrojeny kanflikt u Siryi ŭ apošnija dni znoŭ uzmacniajecca. Siryjskija paŭstancy na hetym tydni pačali maštabny nastup na Alepa. Pa dadzienych jak uradavych vojskaŭ, tak i paŭstancaŭ, hety nastup staŭ pieršym bujnym pośpiecham apazicyi pa viartańni terytoryj z 2020 hoda.
Alepa, jaki byŭ epicentram bajoŭ u siryjskaj hramadzianskaj vajnie z 2011 pa 2016 hady, z kanca 2016 hoda znachodzicca pad kantrolem vojskaŭ prezidenta Bašara Asada.
Rasija adyhryvaje značnuju rolu ŭ siryjskim kanflikcie jak adzin z klučavych sajuźnikaŭ urada Bašara Asada, akazvajučy vajennuju padtrymku siryjskaj armii, uklučajučy avijaŭdary, pastaŭki zbroi i vajennych śpiecyjalistaŭ.
U subotu ŭłady Siryi zakryli aeraport Alepa i ŭsie darohi, što viaduć u horad