«Kamunarka» pakazała svoj advent-kalandar i atrymała chvalu krytyki
U biełaruskaj kandytarskaj fabryki «Kamunarka» vyjšaŭ navahodni advent-kalandar. Ale biełarusam jon nie vielmi spadabaŭsia, piša Citydog.io.
03.12.2024 / 17:23
«Kamunarka» pakazała navinku — advent-kalandar, jaki ŭžo dastupny va ŭsich firmovych kramach i handlovych sietkach Biełarusi. Cana — 35,87 rub. za 355 h.
Adnak ža biełarusy sustreli navinku chvalaj krytyki. Usio tamu, što kalandar raźličany tolki na 15 dzion i za nievialikaje napaŭnieńnie niekatoryja ličać takuju canu nieapraŭdana vysokaj.
Skrynka advent-kalendara aformlenaja ŭ navahodnim styli, a ŭsiaredzinie nie tolki cukierki. Z adnaho boku raźmieščany 15 akiencaŭ, a z druhoha — «hulnia-chadziłka».
U pieršych jačejkach kalendara možna znajści firmovyja cukierki «Kamunarki», a ŭ akiency 6, 9 i 13 pakłali flikier kandytarskaj fabryki, mahnit u formie jalinki na chaładzilnik i mahnitnuju zakładku dla knih.
Reakcyja biełarusaŭ, była, adnak, nie zaŭsiody stanoŭčaja.
«A ŭ nas niešta 15-ha jość? Śviata niejkaje? Advent-kalendary na toje i robiacca, kab da Kalad… A hety da čaho?»
«Advent-kalandar pavinien być na 25, kali da Kalad, abo na 31, kali da Novaha hoda».
«Tam na 15 dzion».
«Ludzi, au. Nu, možna ž padaryć 1 studzienia i adčyniać kožny dzień akienca. Inšaja reč, što za 15 cukierak niejak zanadta doraha».
U sietcy Varka źjaviłasia zimovaje mieniu ź limitavanymi napojami pa matyvach filmaŭ
«A jeści, pa sutnaści, niama čaho»: biełaruska pakazała, što možna kupić u Biełarusi na 50 rubloŭ