U Paŭdniovaj Karei patrabujuć adstaŭku prezidenta paśla sproby pieravarotu
U Sieule i inšych haradach ranicaj adnavilisia demanstracyi za adstaŭku prezidenta Jun Sok Jola.
04.12.2024 / 08:16
Mitynh suprać prezidenta Jun Sok Jola ŭ Sieule, Paŭdniovaja Kareja, 4 śniežnia 2024 h. Na płakatach napisana «Jun Sok Jol pavinien syści ŭ adstaŭku». Fota: AP Photo / Ahn Young-joon
Ranicaj 4 śniežnia paśla niaŭdałaj sproby prezidenta ŭvieści vajennaje stanovišča aparat prezidenta Paŭdniovaj Karei ŭ poŭnym składzie padaŭ u adstaŭku. Ab sychodzie ŭsich supracoŭnikaŭ prezidenta paviedamlaje karejskaje ahienctva Yonhap News.
Sam prezident admianiŭ usie płany na siońniašniuju ranicu i da dziesiaci ranicy pa miascovym časie novych zajaŭ jašče nie zrabiŭ.
Apanienty prezidenta z Demakratyčnaj partyi, jakaja maje bolšaść u parłamiencie, zajavili, što kali jon sam nie padaść u adstaŭku, to jany inicyjujuć praceduru impičmientu.
U Sieule i inšych haradach ranicaj adnavilisia demanstracyi za adstaŭku prezidenta.
«Nastupnaje klučavoje pytańnie: što budzie dalej — jon sydzie sam abo jamu abvieściać impičmient», — reziumuje BBC.
Parłamient Paŭdniovaj Karei prahałasavaŭ za admienu vajennaha stanovišča
Vajennaje stanovišča ŭ Paŭdniovaj Karei admianiajecca