U žonki biełaruskaha tenisista ŭ Pieciarburhu ściahnuli załaty łancužok
Prybiralščyk adnaho z hatelaŭ Sankt-Pieciarburha skraŭ kaštoŭnaści ŭ žonki tenisista, druhoj rakietki Biełarusi Jahora Hierasimava. Pra heta 3 śniežnia paviedamiła krynica «Iźviestij».
04.12.2024 / 10:14
Jahor Hierasimaŭ
Prybiralščyk sam pryjšoŭ u palicyju z pavinnaj. Jon raspavioŭ pravaachoŭnikam, što 30 listapada ŭviečary pajšoŭ prybiracca ŭ numary, vykonvajučy zadańnie supiervajziera.
Praź niekatory čas u pakoj pryjšła žančyna, jakaja žyła ŭ im, paprasiła mužčynu adkłaści ŭborku i viarnucca praz paŭhadziny. Kali hety čas prajšoŭ, supracoŭnik hatela viarnuŭsia ŭ numar i vyjaviŭ u vannym pakoi vykarystanyja survetki, prynaležnaści dla makijažu i srebny piarścionak.
Mužčyna vykinuŭ survetki, a piarścionak vyrašyŭ pakłaści ŭ škatułku na šklanoj palicy nad rakavinaj. Tam jon znajšoŭ załaty łancužok z srebnym kryžykam, srebnaj ładankaj i załatym kułonam, u jaki byŭ ustaŭleny zialony kaštoŭny kamień.
Prybiralščyk pakłaŭ upryhožvańni ŭ kišeniu, vykanaŭ svaju pracu ŭ numary, a potym spuściŭsia i źjechaŭ dadomu.
Mužčyna zajaviŭ, što na złačynstva advažyŭsia praź ciažkaje finansavaje stanovišča. Prybiralnik całkam pryznaŭ svaju vinu. Škoda ad kradziažu skłała bolš za 320 tys. rasijskich rubloŭ (3200 dalaraŭ).