Amal usie sparynh-partniory Łukašenki zajavili, što sabrali 100 tysiač podpisaŭ
Takuju infarmacyju ahučyŭ kiraŭnik CVK Ihar Karpienka, adnak jon spasłaŭsia tolki na słovy pretendentaŭ.
04.12.2024 / 12:37
Alaksandr Chižniak. Fota Tochka.by
Praktyčna ŭsie sparynh-partniory Łukašenki, dapuščanyja da vybarčaj kampanii, zajavili, što sabrali 100 tysiač podpisaŭ.
Takoj infarmacyjaj padzialiŭsia kiraŭnik CVK Ihar Karpienka, piša «Sputnik».
«My hetuju infarmacyju nie źbirajem, heta čysta pracoŭnyja momanty. Viedajem, što kamisii prymajuć podpisy. Praktyčna ŭsie pretendenty ŭ toj ci inšaj stupieni skazali, što ŭ toj ci inšaj stupieni patrebny barjer pieraadoleli», — adznačyŭ Karpienka.
Publična pra heta zajaŭlali inicyjatyŭnyja hrupy Łukašenki i Aleha Hajdukieviča. Taksama podpisy źbirajuć kamunist Siarhiej Syrankoŭ, pradstaŭnik Partyi pracy i spraviadlivaści Alaksandr Chižniak i Hanna Kanapackaja.
Zbor podpisaŭ zavieršycca 6 śniežnia.