Ukraina atrymaje 50 miljardaŭ dalaraŭ z zamarožanych aktyvaŭ Rasii ŭ najbližejšyja tydni
Pra namier maksimalna chutka pieradać rasijskija hrošy Ukrainie zajaviŭ na bryfinhu dziaržaŭny sakratar ZŠA Entani Blinkien.
04.12.2024 / 20:45
Fota: freepik.com
Pavodle słoŭ Entani Blinkiena, jość skaardynavany płan ZŠA i Jeŭrasajuza pa chutkaj pieradačy srodkaŭ Ukrainie.
«Ciapier my na asnovie zamarožanych rasijskich aktyvaŭ pavinny atrymać 50 miljardaŭ dalaraŭ, jakija pojduć Ukrainie. Hetyja hrošy pojduć ad nas u nastupnyja tydni, a taksama ad Jeŭropy, i heta padtrymaje Ukrainu na čas u nastupnym hodzie», — zajaviŭ dziaržsakratar ZŠA.
Jon padkreśliŭ, što sajuźniki praciahvajuć pracu nad tym, kab pierakanacca, što va Ukrainy jość hrošy i resursy, nieabchodnyja dla padtrymki ekanomiki i abarony.
«Bojeprypasy, usio, što z hetym źviazana, chaj heta buduć SPA, rakiety ci bronietechnika. My pracujem vielmi rašuča, kab pierakanacca, što na mnohija miesiacy napierad Ukraina budzie mieć toje, što joj treba. Złučanyja Štaty robiać usio, što mohuć», — dadaŭ Blinkien.
Eks-prezident Polščy: Zamarožany kanflikt budzie trahičnaj viestkaj dla Ukrainy
Što śviet dumaje pra vajnu va Ukrainie ciapier? Karta pazicyj krain
Apošni ryvok. Što budzie hetaj zimoj na poli boju va Ukrainie?
Rasijski karabiel abstralaŭ sihnalnymi bojeprypasami niamiecki viertalot u Bałtyjskim mory