У Беларусі запускаюць рэаліці-шоу для блогераў, галоўны госць — Вольга Бузава
У Беларусі запускаюць блогерскае рэаліці-шоу «Фабрыка блогераў». Арганізатары называюць яго «першым нацыянальным». Галоўным госцем на ім будзе расійская артыстка Вольга Бузава.
05.12.2024 / 11:40
Паводле арганізатараў, з 1 снежня да 8 снежня прымаюць заяўкі на ўдзел у новым шоу. Удзельнічаць у ім могуць як пачаткоўцы, так і вопытныя стваральнікі кантэнту.
Сярод настаўнікаў-блогераў будуць таксама Улад Кабякоў і Яўген Анегін — як і Бузава, яны будуць дзяліцца сваім досведам і сакрэтамі вядзення блога.
Фіналісты шоу пазмагаюцца за званне найлепшага блогера праекта і галоўны прыз у памеры 20000 рублёў.