DTZ na Mahiloŭščynie: lehkavik urezaŭsia ŭ hruzavik, zahinuli troje čałaviek, siarod ich adno dzicia
Avaryja adbyłasia siońnia na 117 km aŭtadarohi R — 4 «Miaža RF — Kryčaŭ — Babrujsk — Ivacevičy», paviedamlaje MUS.
07.12.2024 / 14:24
Kiroŭca aŭtamabila KIA nie spraviŭsia z kiravańniem, dapuściŭ zanos, vyjechaŭ na pałasu sustrečnaha ruchu, dzie sutyknuŭsia z hruzavikom MAN.
Zahinuli ŭsie, chto znachodziŭsia ŭ lehkavym aŭto: mužčyna, žančyna i dzicia.
Na miescy DTZ pracujuć supracoŭniki DAI, MNS, śledča-apieratyŭnaja hrupa. Na miesca trahiedyi vybyŭ asabista načalnik DAI Viktar Rotčankaŭ.