«Mir dziakujučy sile mahčymy!» Zialenski ŭ Paryžy sustreŭsia z Trampam i Makronam
Padčas pajezdki ŭ Paryž na adkryćcio paśla piacihadovaj paślapažarnaj rekanstrukcyi sabora Notr-Dam prezident Ukrainy Uładzimir Zialenski pravioŭ sustreču z prezidentam Francyi Emanuelem Makronam i abranym prezidentam ZŠA Donaldam Trampam.
07.12.2024 / 21:40
Źleva naprava: Donald Tramp, Emanuel Makron, Uładzimir Zialenski. Fota: AP Photo/Aurelien Morissard
Zialenski prybyŭ u Jelisiejski pałac u 17.30 pavodle miascovaha času. Pierad hetym tudy prybyŭ Tramp.
Pa słovach pres-sakratara ŭkrainskaha prezidenta Siarhieja Nikifarava, sustreča troch lidaraŭ prachodziła bieź śviedkaŭ, aprača ich u pakoi bolš nikoha nie było. Pracehłaść sustrečy — 35 chvilin, nijakich supolnych zajaŭ dla presy paśla jaje nie rabiłasia.
Uładzimir Zialenski, adnak, prakamientavaŭ sustreču z Makronam i Trampam asobna, nazvaŭšy jaje praduktyŭnaj.
«Dobraja, praduktyŭnaja sustreča z prezidentam Trampam i prezidentam Makronam. Prezident Tramp, jak i zaŭsiody, nastrojeny rašuča. Dziakuj za heta. Taksama dziakuj prezidentu Makronu za arhanizacyju hetaj sustrečy ŭ Paryžy. Razmaŭlali pra našych ludziej, situacyju na poli boju i spraviadlivy mir dla Ukrainy.
My ŭsie chočam zaviaršyć hetuju vajnu jak maha chutčej i spraviadliva. Damovilisia pracavać dalej. Mir dziakujučy sile mahčymy!»
Tramp pryznačyŭ «cara» pa pytańniach štučnaha intelektu i kryptavalut
Łaŭroŭ daŭ prymirenča-spakuślivaje intervju Karłsanu