U BDTU adkryjuć sumiesnuju z rasijanami mahistraturu pa bieśpiłotnikach
Studentaŭ buduć vučyć prajektavać i vyrablać drony.
08.12.2024 / 19:41
«Šachied». Ilustracyjnaje fota
U 2025 hodzie ŭ Biełaruskim dziaržaŭnym technałahičnym univiersitecie źjaviacca novyja napramki mahistratury.
Na kafiedry palimiernych kampazicyjnych materyjałaŭ mahistrantaŭ buduć navučać pa novych śpiecyjalnaściach: «prajektavańnie bieśpiłotnych avijacyjnych kompleksaŭ» i «technałohija vytvorčaści bieśpiłotnych avijacyjnych kompleksaŭ», paviedamlaje BiełTA.
Navučańnie budzie arhanizavana ŭ miežach supracoŭnictva z rasijskim univiersitetam u Kazani. Adzin hod mahistranty buduć navučacca ŭ techničnym univiersitecie imia Tupaleva ŭ stalicy Tatarstana, druhi hod — u BDTU pavodle sumiesnaha vučebnaha płana.
Navučańnie budzie płatnym, a transpartnyja vydatki i vydatki na pražyvańnie buduć apłačvacca samim mahistrantam.