Ryhor Baradulin pieraviedzieny z reanimacyi ŭ terapiju
Stan piśmieńnika značna palepšyŭsia, nastroj badziory, i jon užo chodzić.
01.03.2010 / 23:16
Narodny paet Biełarusi Ryhor Baradulin 1 sakavika pieraviedzieny z adździaleńnia reanimacyi ŭ terapieŭtyčnaje adździaleńnie Respublikanskaj balnicy Kiraŭnictva spraŭ prezidenta, paviedamiŭ siabar Baradulina, paet i hramadski dziejač Hienadź Buraŭkin.
Pavodle jaho słoŭ, stan Baradulina značna palepšyŭsia, nastroj badziory, i jon užo chodzić.
Viečaram 14 lutaha Baradulin byŭ špitalizavany z dyjahnazam «levabakovaja pnieŭmanija» i tempieraturaj zvyš 40 hradusaŭ.
10 lutaha narodny paet vypisaŭsia ź Minskaj haradskoj kliničnaj balnicy №10, dzie lačyŭsia ŭ adździaleńni kardyjałohii. 13 lutaha Baradulin mieŭ namier uziać udzieł u prezientacyi svajoj novaj knihi paezii na biełaruskaj i ruskaj movach «Pierakulenaje/Oprokinutoje», vypuščanaj maskoŭskim vydaviectvam «Vriemia» da jaho 75-hodździa (24 lutaha). Adnak nie zmoh zrabić hetaha pa stanie zdaroŭja.