Украінец-ухіліст захрас у цясніне ў гарах, яго выратавала кацяня
Кацяня па мянушцы Персік выратавала ўкраінскага ўхіліста, які ледзь не змёрз на мяжы з Румыніяй, паведамляе Associated Press.
10.12.2024 / 10:51
Salvamont Maramures
Ратуючыся ад мабілізацыі, мужчына паспрабаваў збегчы ў Румынію, але захрас у горнай цясніне ў Карпатах.
Румынскія ратавальнікі змаглі дастаць 28-гадовага Уладзіслава Дуду разам з рудым кацянём Персікам. Гадаванец саграваў гаспадара падчас знаходжання ў холадзе.
Калі ратавальнікі расшпілілі куртку мужчыны, пад ёй знайшлі кацяня.
«Кацяня было цёплым і сагравала яго… таму Персік выратаваў яму жыццё», — адзначаецца ў публікацыі.
Персік — першае кацяня, якое «ўцякло» ў Румынію.