Vaśmirazovy čempijon Biełarusi budzie hulać za kamandu čaćviortaha dyvizijona Italii
Eks-futbalist BATE, a ciapier abaronca amatarskaha «DMedia» Maksim Vaładźko padpisaŭ kantrakt z kamandaj z čaćviortaj lihi Italii. Novym kłubam 32-hadovaha spartoŭca stała «Kosta D'Amalfi», piša Priessboł.
11.12.2024 / 08:45
Paśla 15 turaŭ sieryi D kalektyŭ z Amalfi idzie na 17-m radku, majučy dzieviać nabranych bałaŭ.
Maksim Vaładźko ŭ roznyja hady vystupaŭ za BATE, SKVIČ, tulski «Arsienał», «Tamboŭ», «Santa-Kałomu» z Andory i «Fłaryjanu» z Malty.
Pry hetym Vaładźko źjaŭlajecca vaśmirazovym čempijonam Biełarusi, šaścirazovym uładalnikam Supierkubka krainy i pieramožcam Kubka Biełarusi. U składzie nacyjanalnaj zbornaj pravioŭ 33 matčy i zabiŭ 2 hały.