У Бабруйску мужчына выкінуў з сёмага паверха сабаку, які панюхаў яго
Мужчына быў п'яным.
12.12.2024 / 09:38
Ілюстрацыйнае фота
Суд Бабруйскага раёна і горада Бабруйска разгледзеў крымінальную справу паводле артыкула аб жорсткім абыходжанні з жывёламі, піша Komkur.info.
Трыма месяцамі раней мужчына прыйшоў у госці да знаёмых. Гаспадары жывуць на сёмым паверсе шматкватэрнага дома.
Падчас застолля з ужываннем спіртнога мужчына выкінуў з балкона сабаку. Уся віна сабакі была ў тым, што ён падышоў абнюхаць госця. У выніку падзення з вышыні сабака загінуў.
Абвінавачаны віну ў здзяйсненні злачынства прызнаў цалкам. Яму далі арышт на тры месяцы і прызначылі лячэнне ад хранічнага алкагалізму.