Zališniaja vaha dziaciej — na sumlenni babul
02.03.2010 / 14:22
Brytanskija daškolniki, jakich vychoŭvajuć babuli i dziaduli, majuć zališniuju vahu čaściej, čym ich adnahodki. Da takoj vysnovy pryjšła hrupa navukoŭcaŭ z Univiersiteckaha kaledža Łondana.
Daśledčyki praanalizavali źviestki ab 12 tysiačach brytancaŭ va ŭzroście ad dzieviaci miesiacaŭ da troch hadoŭ. U chodzie daśledavańnia było vyznačana, što dzieci, jakich vychoŭvajuć tolki babuli i dziaduli, majuć zališniuju vahu na 34 pracenty čaściej, čym ich adnahodki, jakija naviedvajuć daškolnyja ŭstanovy ci jakich vychoŭvaje niańka.
Dla dziaciej, jakich baćki addajuć na vychavańnie babulam i dziadulam tolki čas ad času, hety pakazčyk skłaŭ 15 pracentaŭ.