Palitviaźnia Akichiru Hajeŭskaha-Chanadu pieraviali na turemny režym
Anarchist za kratami amal čatyry hady.
15.12.2024 / 16:40
Palitviaźnia Akichiru Hajeŭskaha-Chanadu pieraviali na turemny režym. Pra heta paviedamlaje supolnaść anarchistaŭ.
Pa infarmacyi «Viasny», rašeńnie pa zamienie režymu razhladaŭ 18 lipienia sud Škłoŭskaha rajona. Rašeńnie prymaŭ sudździa Alaksandr Tarakanaŭ. Ciapier palitviaźnia ŭtrymlivajuć u mahiloŭskaj turmie № 4. Napačatku červienia stała viadoma, što administracyja škłoŭskaj kałonii adpraviła Akichiru na 4 miesiacy ŭ PKT.
Aktyvist anarchisckaha ruchu ŭtrymlivajecca za kratami ŭžo amal 4 hady. U Minharsudzie 6 vieraśnia 2022 hoda jamu prysudzili 16 hadoŭ kałonii.
28 lutaha 2023 hoda u Viarchoŭnym sudzie ŭ zakrytym režymie adbyŭsia razhlad apielacyjnych skarhaŭ. Sudovaja kalehija pad staršynstvam sudździ Alaksieja Rybakova skaraciła termin palitviaźnia na try miesiacy. Takim čynam, kančatkovy termin źniavoleńnia Akichira — 15 hadoŭ i 9 miesiacaŭ kałonii va ŭmovach uzmocnienaha režymu.