Byłoha 70-hadovaha palitviaźnia Alaksandra Patapava treci raz buduć sudzić «za raspaŭsiud ekstremizmu»
Spravu 70-hadovaha žychara vioski Chatola Viciebskaha rajona 19 śniežnia ŭ sudzie Viciebskaha rajona znoŭ budzie raźbirać sudździa Taćciana Łabackaja.
16.12.2024 / 11:57
Minuły raz jana sudziła jaho tydzień tamu, 12 śniežnia. Pazaminuły sud nad viaskoŭcam adbyŭsia 31 kastryčnika, piša Viasna.
Alaksandr Patapaŭ byŭ zatrymany naprykancy žniŭnia 2022 hoda ŭ miežach kryminalnaj spravy za abrazu Łukašenki ŭ kamientarach u «Adnakłaśnikach».
Mužčyna pachodzić z Ukrainy. Padčas rakietnaha abstrełu Kijeva zahinuła plamieńnica Alaksandra, a jejnaja trochhadovaja dačka była surjozna paranienaja. Paśla hetaha, znachodziačysia pad upłyvam emocyj, 8 i 16 lipienia 2022 hoda Patapaŭ raźmiaściŭ u sacyjalnaj sietcy dva kamientary, jakija ekśpiertyza paličyła «abraźlivymi». Paźniej mužčynu asudzili da 2 hadoŭ kałonii.
Piensijanier vyzvaliŭsia hetaj viasnoj, całkam adbyŭšy termin.