Jeŭrasajuz biarecca stvarać alternatyvu Starlink
Jeŭrapiejski sajuz padpisaŭ kantrakty na budaŭnictva spadarožnikavaj sietki IRIS2 z 290 aparataŭ, jakaja zabiaśpiečyć zašyfravanaje hłabalnaje internet-złučeńnie dla ŭradaŭ, vajskoŭcaŭ i pryvatnych klijentaŭ, piša Bloomberg.
17.12.2024 / 00:06
Fota: earthsky.org
Kantrakt ab pačatku pracy nad šmatarbitalnaj sietkaj spadarožnikaŭ IRIS2 zaklučyli 16 śniežnia. Da prajekta pryciahnutyja luksiemburhskaja SES SA, francuzskaja Eutelsat SA i ispanskaja Hispasat SA. Kantrakt raźličany na 12 hadoŭ, a častka inviestycyj budzie zaležać ad uchvaleńnia krain-členaŭ.
Prajekt koštam 10,6 młrd jeŭra płanujecca realizavać da 2030 hoda. Jeŭrasajuz vydzielić 6 młrd jeŭra, a astatnija srodki pastupiać ad pryvatnych kampanij i Jeŭrapiejskaha kaśmičnaha ahienctva.
Prajekt IRIS2 nakiravany na źnižeńnie zaležnaści Jeŭropy ad pryvatnych sistem, takich jak Starlink Iłona Maska, i ŭzmacnieńnie abaronnych mahčymaściaŭ błoka.
Va Uzbrojenych siłach zajavili, što raspracavali anałah Starlink dla biełaruskaj armii
Nad Biełaruśsiu siońnia nazirali śvietłavuju hirlandu FOTAFAKT
Ukrainskija terminały Starlink «raptoŭna vyjšli z ładu», kali Rasija znoŭ uvarvałasia ŭ Charkaŭščynu
HUR raskazała, dzie rasiejcy zakuplajuć terminały Starlink