DAI strełami spyniała pjanuju žančynu ŭ Kapylskim rajonie
Supracoŭniki DAI prymianili zbroju dla spynieńnia Opel, jakim kiravała niećviarozaja 31-hadovaja žančyna. Incydent adbyŭsia 17 śniežnia ŭviečary ŭ Kapylskim rajonie.
18.12.2024 / 13:11
Jak paviedamlaje MUS, u aŭtorak uviečary ŭ milicyju pastupiła paviedamleńnie, što ŭ arhaharadku Bystryca za rulom moža być niećviarozy kiroŭca.
Supracoŭniki DAI vyjavili mašynu, adnak taja nie spyniłasia. Inśpiektary vykarystali tabielnuju zbroju — trapili ŭ koła.
Pavodle MUS, za rulom znachodziłasia 31-hadovaja žycharka rajcentra. Miedahlad pakazaŭ amal 2 pramile ałkaholu.
Ustanoŭlena, što žančyna taksama nikoli nie mieła pravoŭ kiroŭcy.
Na jaje składziena 7 pratakołaŭ ab administracyjnych pravaparušeńniach. Žančyna — u IČU.