Stała viadoma pra aryšt stendapiera i radyjoviadučaha Ściapana Mankieviča
U kancy śniežnia jaho buduć sudzić pa narodnym artykule za ŭdzieł u pratestach.
20.12.2024 / 08:41
Ściapan Mankievič
U sudzie Savieckaha rajona Minska 26 śniežnia pačnuć sudzić 33-hadovaha šoŭmiena Ściapana Mankieviča. Jamu inkryminujecca artykuł 342 Kryminalnaha kodeksa — udzieł u pratestach. Pa ciapierašniaj praktycy ludziej z takim abvinavačvańniem utrymlivajuć da suda pad vartaj.
Ściapan Mankievič — biełaruski komik. Advučyŭsia na psichołaha ŭ Biełaruskim dziaržaŭnym piedahahičnym univiersitecie, pracavaŭ viadučym na «Radyus FM». Apošnija hady byŭ viadomy jak stendapier, taksama zajmaŭsia praviadzieńniem viasiellaŭ.
«Komik kučarava žartuje pra ŭzajemaadnosiny ź ludźmi i sproby naładzić asabistaje žyćcio. Kali vy stamilisia ad palityki, pahladzicie vystup Ściopy», — apisvaŭsia Mankievič u rejtynhu biełaruskich stendapieraŭ ad Kyky.org.
Ściapan Mankievič
Staŭ viadomy prysud muzykantu Dziadziu Vaniu
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie
Dziaŭčynu z Baranavičaŭ vinavaciać va ŭdziele ŭ rajonnym čacie. Jak na jaje mahli vyjści siłaviki?