Кароткае замыканне навагодняй гірлянды прывяло да пажару ў школе ў Бабруйскім раёне
Паведамленне аб пажары ў будынку школы ў аграгарадку Цялуша паступіла 19 снежня ў 23.59, паведамляе МНС.
20.12.2024 / 10:20
Фота: МНС
Гарэў пластыкавы аконны блок у адным з кабінетаў на першым паверсе будынка. Пажар выявіў вартаўнік і паведаміў пра здарэнне дырэктару, пасля чаго прыступіў да тушэння агню. Пры дапамозе двух вогнетушыцеляў мужчына ліквідаваў узгаранне.
У выніку пажару на першым паверсе ў кабінеце пашкоджаны пластыкавы шклопакет. Пацярпелых няма.
Разгляданая версія прычыны пажару — кароткае замыканне навагодняй гірлянды.