Pašyryli śpis prafiesij, dastupnych u Biełarusi dla inšaziemcaŭ
Pastanova Ministerstva pracy i sacabarony №99 ad 12 śniežnia praduhledžvaje dadavańnie da pieraliku niekalkich prafiesij rabočych i pasad słužačych, na jakija ŭ nastupnym hodzie možna pryciahvać zamiežnych hramadzian.
20.12.2024 / 16:30
Fota ilustracyjnaje
Jak paviedamili ŭ Minpracy, u śpis vyrašana dadać šeść novych śpiecyjalnaściaŭ: mancior puciej, pradaviec, ślesar-santechnik, a taksama inžynier-elektronik, technik, elektramiechanik.
U ahulnym liku pieralik ciapier uklučaje 41 prafiesiju rabočych i 18 pasad słužačych. Pastanova ŭstupić u siłu z 1 studzienia 2025 hoda.
U ministerstvie nahadali, što pry pracaŭładkavańni inšaziemcaŭ pa prafiesijach z hetaha pieraliku nie treba atrymlivać śpiecyjalny dazvoł. Arhanizacyi treba tolki na praciahu 3 pracoŭnych dzion z daty zaklučeńnia pracoŭnaha dahavora piśmova paviedamić pra heta padraździaleńnie pa hramadzianstvie i mihracyi HUUS Minharvykankama, UUS abłvykankama pa miescy znachodžańnia (miescy žycharstva), kali inšaje nie praduhledžana zakanadaŭčymi aktami.
Pry hetym ź inšaziemcami mohuć zaklučacca tolki terminovyja pracoŭnyja damovy na pieryjad da zakančeńnia dziejańnia pastanovy, heta značyć da 31 śniežnia 2025 hoda.
Rezident PVT uziaŭ na pracu sisadmina paśla ŭsich sumoŭjaŭ i zvolniŭ praz hadzinu
«Pracu šukała hod». Try historyi pra ciažkaści pracaŭładkavańnia ŭ abłasnym centry
Dla «darmajedaŭ» rychtujuć čarhovyja źmieny