U Minsku Rolls-Royce za 500 tysiač dalaraŭ sutyknuŭsia z aŭtobusam
U stalicy adbyłasia adna z samych darahich avaryj.
23.12.2024 / 13:00
Avaryja zdaryłasia dniami kala handlovaha centra «Zamak». Rolls-Royce Cullinan zbočvaŭ naprava, ale nie paśpieŭ praskočyć pierad aŭtobusam.
«Sutyknulisia Rolls-Royce za 500 000 dalaraŭ i MAZ. Za rulom aŭtamabila była maładaja dziaŭčyna, hadoŭ 18-20. Jana pry pavarocie nie paśpieła praskočyć», — tak kamientuje avaryju śviedka, piša Onliner.
Avaryju nie nazavieš surjoznaj, adnak jana ŭsio roŭna stała adna z samych darahich u stalicy: Rolls-Royce Cullinan sapraŭdy možna kupić za paŭmiljona dalaraŭ i navat daražej.
Heta nie pieršaje zdareńnie z aŭtamabilem luksavaj brytanskaj marki ŭ Minsku: u 2021 hodzie Rolls-Royce Wraith rasijskaha błohiera źnios słup na Matusieviča. Tady nastupstvy dla mašyny byli kudy bolš surjoznyja.