U Žytkavičach žančyna adsudziła ŭ rajvykankama 10 tysiač rubloŭ
Amal hod tamu žycharka Žytkavičaŭ paśliznułasia i ŭpała na lodzie, dva miesiacy prachadziła z hipsam i jašče paŭhoda zaniała reabilitacyja. Paśla taho žančyna padała ŭ sud na rajvykankam i navat vyjhrała hetuju spravu, paviedamiła Hienprakuratura.
26.12.2024 / 19:38
Fota ilustracyjnaje
U studzieni minułaha hoda žančyna paśliznułasia i atrymała pierałomy kostak levaj ruki sa zrušeńniem. Žycharku praapieravali. Bolš za dva miesiacy jana prachodziła z hipsam, jašče paŭhoda zaniała reabilitacyja.
Pry hetym upała jana na tratuarnaj darožcy, jakaja nie była apracavanaja ad naledzi kamunalnymi słužbami. Tamu žančyna vyrašyła sudzicca i padała pazoŭ.
Sud pieršaj instancyi paličyŭ niedakazanym atrymańnie pazoŭnicaj traŭmy z-za hałalodzicy, a taksama spasłaŭsia na supiarečnaści ŭ źviestkach ab prynaležnaści ziamielnaha ŭčastka, dzie zdaryłasia padzieńnie.
Tady žančyna źviarnułasia ŭ prakuraturu, i taja stała na jaje bok. Prakuror paličyŭ, što dokazy, jakija pradstavili paciarpiełaja i śviedki, paśladoŭnyja i dapuščalnyja, a sud nie ŭstanaviŭ, u kaho na bałansie znachodzicca taja darožka.
U vyniku sudovaja kalehija pa hramadzianskich spravach Homielskaha abłasnoha suda apielacyjny pratest prakurora zadavoliła, bo rajvykankam nie ŭskłaŭ na kaho-niebudź abaviazak utrymlivać i absłuhoŭvać kankretny ŭčastak tratuara.
Taksama sud uličyŭ ciažar nastupstvaŭ i spahnaŭ z Žytkavickaha rajvykankama na karyść žančyny 10 tysiač rubloŭ.
Stała viadomaja pryčyna śmierci mužčyny na katku ŭ Minsku
U Mahilovie na pierachodzie naśmierć źbili dvuch piešachodaŭ