Parłamient Paŭdniovaj Karei abviaściŭ impičmient v.a. prezidenta
Impičmient inicyjavała hałoŭnaja apazicyjnaja partyja.
27.12.2024 / 10:47
Pratestoŭcy kala budynka parłamienta. Fota: Ahn Young-joon / AP
Parłamient Paŭdniovaj Karei abviaściŭ impičmient v.a. prezidenta Chan Dok Su, hałasavańnie prajšło ŭ piatnicu. Pra heta paviedamlaje ahienctva Reuters.
Demakratyčnaja partyja ŭčora pryhraziła inicyjavać impičmient Chana, kali jon nieadkładna nie ŭchvalić pryznačeńnie kanstytucyjnych sudździaŭ. Parłamient prahałasavaŭ za troch kandydataŭ u čaćvier, ale jany jašče nie byli aficyjna pryznačanyja Chanam. Raniej jon zajaviŭ, što nie budzie pryznačać sudździaŭ, pakul kirujučy i apazicyjny łahiery nie pryjduć da palityčnaha kampramisu.
«Stała jasna, što premjer-ministr i v.a prezidenta Chan Dok Su nie maje ni kvalifikacyi, ni voli dla abarony Kanstytucyi», — zajaviŭ lidar frakcyi Demakratyčnaj partyi ŭ parłamiencie Pak Čchan De.
14 śniežnia parłamient Paŭdniovaj Karei ŭ vyniku hałasavańnia padtrymaŭ impičmient prezidentu krainy Jon Sok Jolu.